اقرأ لهؤلاء أيضا

تعليقات موقع مقهى الكتب

المؤلف: أورهان باموق


اورهان باموك (تركى: Orhan Pamuk)، روائى تركى واخد جايزة نوبل فى الادب سنة 2006. اتولد فى استانبول في 7 يونيه سنة 1952 وهو بينتمى لعيله تركيه مثقفه. درس العماره والصحافه قبل ما يدرس الادب والكتابه وهو واحد من اهم الكتاب الموجودين فى تركيا. اعماله اترجمت لـ 34 لغه لحد دلوقتى، وبيقروا ليه الناس فى اكتر من 100 دوله. في فبراير 2003 باموك قال لمجلة سويسريه ان "مليون ارمينى وتلاتين الف كردى اتقتلوا فى الارض دى، لكن مافيش حد غيري يستجري يقول الكلام ده". عملت حكومة تركيا هيصه كبيره عليه. وحاكمو القضاء التركى والسبب كان "الاهانه الواضحه للامه التركيه"، وسبب تانى انو اهان مصطفى كمال اتاتورك (Mustafa Kemal Atatürk) وهو شخصيه شبه مقدسه عند الاتراك. والتهمتين دول بيعتبروهم فى توركيا جريمه وبيعاقب عليهم القانون. لكن الملاحقه القضائيه اتوقفت عنو فى نهاية 2006. وزياده على تصريحاتو عن "مذابح" الارمينيين والكرديين، كان باموك اول كاتب فى العالم الاسلامى بيدين الفتوى الايرانيه الى بتقول بان قتل الكاتب سلمان رشدى حلال، بسبب كتاباته الى بتسيئ للاسلام. اخد جايزه نوبل فى الادب سنة 2006 م. في فبراير 2007 اتقتل واحد من الصحفيين الاتراك - من اصل ارمينى - بسبب كتاباتو الى بتتكلم عن مذابح الارمينيين. اورهان باموك حصل تهديدات بالقتل والامن التركى قال لباموك ان التهديدات دى حقيقيه. عشان كده سحب حوالين المليون دولار وهرب لـ امريكا. اختار فى لجنة تحكيم مهرجان كان السينمائي لسنة 2007 عشان يكون عضو فى اللجنه دى.

تحميل كتب أورهان باموق وقراءة أونلاين:

أنت مثقف ... شارك كتب أورهان باموق مع أصدقائك